ᓴᙱᓕᖅᑎᑦᓯᓂᕐᒥᑦ ᐊᖏᓂᖓᓂ ᑭᒡᒐᖅᑐᐃᓂᕐᒥᓪᓗ

ᓄᑖᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ

ᐃᓕᓐᓂᐊᖅᑐᓕᕆᔨᒃᑯᑦ ᒫᓐᓇᐅᔪᒧᑦ ᑭᒡᒐᖅᑐᖅᑐᑦ ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᑦ ᐱᓕᕆᖃᑎᒌᓐᓂᖏᑦ, ᐱᔪᓐᓇᐅᑎᖃᖅᑐᓂ ᑲᑎᒪᔨᓂᑦ ᑲᑐᔾᔨᖃᑎᒌᓄᑦ ᐱᖁᔭᒃᑯᑎᒍᑦ ᒪᓕᒐᖃᖅᓱᓂ ᐱᓕᕆᔭᕆᐊᖃᖅᑕᖏᓐᓂᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᒃᑯᑎᒍᑦ. 2016−ᒥᑦ ᖃᐅᔨᓴᖅᑕᐅᑎᓪᓗᒋᑦ, ᐃᓕᓐᓂᐊᖅᑐᓕᕆᔨᒃᑯᑦ ᑐᓴᖅᑎᑦᓯᓯᐊᓚᐅᖅᑐᑦ ᐱᔾᔪᑎᓕᓐᓂᑦ ᐱᔭᐅᔭᕆᐊᖃᑦᑐᓂ ᐊᐅᓚᑦᑎᒃᑲᓐᓂᕐᓂᕐᒥᑦ ᐊᐅᓚᑦᑎᓂᕐᒧᑦ ᐃᑲᔪᖅᓲᑎᓄᑦ ᖃᐅᑕᒫᖅ ᐱᓕᕆᐊᕆᕙᒃᑕᖏᓐᓄᑦ, ᓴᙱᓂᖅᓴᒥᓪᓗ ᓂᐱᒋᔭᐅᔪᓐᓇᖅᑐᒥᒃ ᒪᓕᒐᓕᐅᕐᕕᖕᒥᑦ.

ᐃᓱᓕᓪᓗᒍ, ᑐᑦᓯᕋᖅᑐᒍᑦ:

  • ᓄᓇᓕᓐᓂ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑕ ᑲᑎᒪᔨᒻᒪᕆᖏ (DEAC), ᐃᒻᒥᒃᑰᕐᓗᑎᒃ ᐃᓕᓐᓂᐊᕐᓂᓕᕆᔨᒃᑯᓐᓂ. 
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ DEAC−ᑯᑦ ᑲᑎᒪᔨᒃᓴᖏᓐᓂᒃ ᓂᕈᐊᕐᓂᐊᖅᐳᑦ ᓇᖕᒥᓂᖅ ᓂᕈᐊᖅᓯᒪᔭᒥᓂᒃ ᑭᒡᒐᖅᑐᐃᔨᓂᒃ. 
  • ᐃᒻᒥᒃᑰᖅᑐᑦ ᐃᓕᓐᓂᐊᖅᑐᓕᕆᔨᒃᑯᓐᓂ ᑲᑎᒪᔨᙳᖅᑐᑦ ᐃᓕᓐᓂᐊᖅᑎᑦᑎᔭᕆᐊᓖᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ, ᐃᑲᔪᖅᑕᐅᓗᑎᒃ ᐱᕙᓪᓕᐊᑎᑦᑎᔪᑦ ᐃᓕᓴᐃᔨᑦ ᑐᑭᓯᑎᑕᐅᕚᓪᓕᕐᓗᑎᒃ ᐱᓕᕆᐊᒃᓴᖏᓐᓂᒃ, ᐊᒻᒪ ᐃᓕᓐᓂᐊᕈᑎᒃᓴᓕᐅᕐᓗᑎᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᑲᔪᕐᓗᒋᑦ ᐱᓕᕆᐊᒃᓴᓕᐅᖅᑎᓪᓗᒋᑦ.   
  • ᐃᒻᒥᒃᑰᖅᑐᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᑐᓂᓯᔭᕆᐊᓖᑦ ᐃᓅᖃᑎᒌᑦᑎᐊᕐᓂᕐᒥᒃ ᐊᒻᒪ ᑎᑎᕋᖅᑕᐅᓯᒪᔪᑦ ᐃᓕᓐᓂᐊᕆᐊᖅᐸᒃᑐᓪᓗ ᐊᑐᐊᒐᖏᓐᓂᒃ ᐱᖃᙱᑉᐸᑕ.
  • ᐃᓕᓐᓂᐊᕐᓂᓕᕆᔨᒃᑯᑦ ᐊᒻᒪ ᐃᒻᒥᒃᑰᖅᑐᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓈᒻᒪᒃᓯᔭᕌᖓᑦ ᖃᐅᔨᒃᑲᐃᖃᑦᑕᕐᓂᐊᖅᐳᑦ ᐃᓕᓐᓂᐊᖅᑐᓕᕆᔾᔪᑎᐅᑉ ᐱᔾᔪᑎᖏᓐᓂᒃ.
  • ᐃᒻᒥᒃᑰᖅᑐᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐅᓂᒃᑳᓕᐊᓂᒃ ᑐᓂᓯᖃᑦᑕᕐᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᑐᒃᓯᕋᖅᑕᐅᔭᕌᖓᑦ.
  • ᐃᒻᒥᒃᑰᖅᑐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᑖᕌᓂᒃᐸᑕ, ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᑦ ᐱᓕᕆᖃᑎᒌᖏᑦ ᒐᕙᒪᒃᑯᓐᓂ ᑮᓇᐅᔭᖅᑖᖅᑎᑕᐅᖃᑦᑕᔾᔮᙱᑉᐳᑦ. 

ᐃᑲᔫᑕᐅᓪᓗᐊᑕᖅᑐᑦ:

  • ᐃᓚᒋᐊᕐᓗᒋᑦ ᐊᐅᓚᔾᔪᑎᓄᑦ ᐃᑲᔪᖅᑐᐃᔾᔪᑎᑦ ᐃᓕᓐᓂᐊᖅᑐᓕᕆᔨᒃᑯᓐᓄᑦ.
  • ᐅᓄᖅᓯᒋᐊᕐᓗᒋᑦ ᐃᖅᑲᓇᐃᔭᖅᑎᒃᓴᖅᓯᐅᕈᓐᓇᕐᓂᖏᑦ ᐱᓕᕆᐊᒃᓴᖅᑖᖅᑎᑦᑎᖁᓪᓗᒋᑦ.
  • ᓴᖅᑭᑎᑦᑎᓗᑎᒃ ᓂᐱᖃᕐᓂᖅᓴᐅᓂᐊᖅᑐᓂᒃ ᒪᓕᒐᓕᐅᕐᕕᖕᒥ.

ᓄᓇᕗᒻᒥ ᐅᐃᕖᑦ ᐃᓕᓐᓂᐊᑎᑐᓕᕆᓂᕐᒧᑦ ᑲᑎᒪᔨᖏᑦ  ᐃᓂᖃᖅᑎᑕᐅᕗᑦ ᐃᒃᓯᕙᐅᑕᒥᑦ ᓄᓇᓕᓐᓂᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑦᑎᒪᔨᖏᓐᓂᒃ.