ᓄᓇᕗᒻᒥ ᓴᓇᓯᒪᔪᑦ ᓅᑕᐅᔪᓄᑦ ᒪᓕᑦᑕᐅᔭᕆᐊᓖᑦ

ᑲᔪᓯᑎᑕᐅᓚᐅᖅᑎᓪᓗᒍ 2008−ᒥᑦ ᐃᓕᓐᓂᐊᖅᑐᓕᕆᓂᕐᒧᑦ ᐱᖁᔭᖅ, ᐱᓕᕆᕝᕕᒃ ᐱᓕᕆᓯᒪᔪᑦ ᓴᕿᑎᑦᑎᓂᕐᒥᑦ ᐱᔭᕆᐊᖃᒻᒪᕆᒃᑐᑦ ᐋᕿᐅᒪᔾᔪᑎᓂᕐᒥᑦ ᒐᕙᒪᓄᑦ ᐊᑐᐊᒐᖏᓐᓂᑦ ᐃᑲᔪᖅᓱᖅᑕᐅᓂᕐᒧᑦ ᐱᖁᔭᕐᒥᑦ. ᐅᓪᓗᕐᒧᑦ, ᐱᓕᕆᕝᕕᒃ ᐱᕙᓪᓕᐊᑎᑦᓯᒋᐊᖃᖅᑯᑦ ᒪᓕᒐᐃᑦ ᐱᔾᔪᑎᖃᖅᑐᑦ ᐃᓕᓐᓂᐊᖅᑎᒧᑦ ᑎᑎᖃᐃᑦ ᑐᖅᑯᖅᑕᐅᓯᒪᔪᑦ, ᐃᖃᓇᐃᔭᖅᑎᓄᑦ ᐃᓕᓴᕆᔭᐅᔾᔪᑏᑦ, ᐱᕙᒌᔭᐃᓂᖅ ᑐᓴᖅᑎᑦᑎᓂᕐᓗ, ᐊᖏᕐᕋᒥᓪᓗ ᐃᓕᓐᓂᐊᖅᑎᑦᓯᓂᖅ ᑕᑎᖃᐃᓐᓇᕐᒪᑕ ᒪᓕᒐᖏᓐᓂᑦ ᑲᔪᓯᑎᑕᐅᔪᓂᒃ ᓄᓇᑦᓯᐊᖑᓚᐅᖅᑐᒥᑦ ᐊᑐᖅᓱᑎᒃ ᑐᑭᓕᐅᕆᓂᕐᒥᑦ ᒪᓕᒐᕐᓂᑦ. ᐱᔾᔪᑎᒋᑦᓱᒍ ᓅᑕᐅᔪᓄᑦ ᒪᓕᑦᑕᐅᔭᕆᐊᓖᑦ ᐊᑕᑲᐃᓐᓇᖅᑐᑦ, ᐋᖅᑭᒋᐊᖅᑕᐅᒋᐊᓖᑦ ᐊᕐᕌᒎᒃ ᒪᕐᕉᒃ ᐊᓂᒍᕋᐃᑉᐸᑦ.  ᒫᓐᓇᐅᔪᖅ, ᓄᓇᕗᒻᒧᑦ ᑲᒥᓯᓇ ᐱᔪᓐᓇᕐᓂᖃᖅᑐᖅ ᓴᓇᓂᕐᒥᑦ ᓅᑕᐅᔪᓄᑦ ᒪᓕᑦᑕᐅᔭᕆᐊᓕᓐᓂᑦ ᐃᓗᐊᓂ ᐱᖁᔭᐅᑉ.     

ᑐᑦᓯᕋᐅᑎᖃᖅᑐᒍᑦ ᐅᑯᓇᖓ:

  • ᒥᓂᔅᑕ ᐃᓕᓐᓂᐊᕐᓂᓕᕆᓂᕐᒧᑦ ᐋᖅᑭᒃᓱᐃᔪᓐᓇᖅᑎᓪᓗᒍ ᓅᑕᐅᔪᓄᑦ ᒪᓕᒃᑕᐅᔭᕆᐊᓕᖕᓂᒃ.  

ᐃᑲᔫᑎᑦ:

  • ᐅᓄᖅᓯᒋᐊᕐᓗᒋᑦ ᐊᐅᓚᑦᑎᔾᔪᑎᑦ ᐊᓯᔾᔨᕆᐊᕈᓐᓇᕐᓂᖏᑦ.