ᒪᕐᕉᓐᓂᑦ ᐅᖃᐅᓯᓖᓐᓄᑦ ᐃᓕᓐᓂᐊᕐᓂᓕᕆᓂᖅ ᐊᒻᒪᓗ ᐅᖃᐅᓯᖅ ᐃᓕᓴᐃᔾᔪᑕᐅᓇᔭᖅᑐᖅ

ᒐᕙᒪᒃᑯᑦ ᓄᓇᕗᒻᒥᑦ ᐊᖏᖅᓯᒪᓂᖃᖅᑐᑦ ᐊᓯᐅᑎᑦᓯᑕᐃᓕᒪᓂᕐᒧᑦ, ᐅᔾᔨᕈᓱᑦᑎᑦᓯᓂᕐᒥᑦ 

ᒐᕙᒪᒃᑯᑦ ᓄᓇᕗᒻᒥᑦ ᐊᖏᖅᓯᒪᓂᖃᖅᑐᑦ ᐊᓯᐅᑎᑦᓯᑕᐃᓕᒪᓂᕐᒧᑦ, ᐅᔾᔨᕈᓱᑦᑎᑦᓯᓂᕐᒥᑦ ᐆᒻᒪᑎᑦᓯᑲᓐᓂᕐᓂᕐᒥᓪᓗ ᐃᓄᒃᑐᑦ, ᒪᕐᕉᓐᓂᓪᓗ ᐅᖃᐅᓰᓐᓂᒃ ᐃᓕᓐᓂᐊᕐᓂᖅ ᐱᔭᕆᐊᖃᓪᓚᕆᑦᑐᖅ. ᑲᔪᓯᑎᑦᓯᒍᓐᓇᓂᕐᒧᑦ ᖃᐅᔨᒪᓂᕆᔭᕐᓂᑦ ᖁᕝᕙᓯᓐᓂᖓᓂ ᒪᕐᕉᓐᓂᑦ ᐅᖃᕈᓐᓇᕐᓂᕐᒥᑦ, ᑲᑐᔾᔨᖃᑎᒌᑦᓯᐊᕐᓂᕐᒥᑦ, ᐃᓚᒋᔭᐅᑎᑦᓯᓂᕐᒥᑦ ᐊᖓᔪᖅᑳᕆᔭᐅᔪᓂᑦ, ᐃᓕᓐᓂᐊᖅᑏᓂᑦ, ᐃᓕᓐᓂᐊᑎᑦᓯᔨᓂᑦ, ᐃᓄᐃᑦ ᑲᑐᔾᔨᖃᑎᒌᖏᓐᓂᑦ, ᒐᕙᒪᒃᑯᓐᓂᑦ ᐱᓕᕆᕝᕕᓐᓂᑦ ᑭᒃᑯᑐᐃᓐᓇᕐᓂᓗ ᐱᔭᕆᐊᖃᖅᑐᖅ. 

ᐅᓪᓗᒥ, ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓂᕈᐊᖃᑦᑕᖅᑐᑦ ᐱᖓᓱᓂᑦ ᐃᓕᓐᓂᐊᑎᑦᓯᓂᕐᒧᑦ ᒪᕐᕉᓐᓂᑦ ᐅᖃᐅᓯᓖᓐᓄᑦ ᐃᓕᓐᓂᐊᑎᑦᓯᖃᑦᑕᓂᕐᒧᑦ ᐱᐅᓂᖅᐹᒥᑦ ᓄᓇᓕᓐᓂᑦ ᐱᔭᕆᐊᖃᕐᓂᖏᓐᓄᑦ.  ᑭᓯᐊᓂ, ᑖᓐᓇ ᐊᒥᓲᓈᖅᑐᓂᑦ ᐃᓕᓐᓂᐊᑎᑦᓯᓂᕐᒧᑦ ᐱᓕᕆᔾᔪᓯᖅ, ᑲᑎᑦᓱᒋᑦ ᒫᓐᓇᐅᔪᖅ ᐱᔪᓐᓇᕐᓂᓕᓐᓂᑦ ᐃᓄᒃᑐᑦ-ᐅᖃᕈᓐᓇᖅᑐᓂᑦ ᐃᓕᓐᓂᐊᑎᑦᓯᔨᖃᑦᓯᐊᖏᓐᓂᕐᒥᑦ, ᓴᖅᑭᑎᑦᓯᓯᒪᔪᖅ ᐱᒻᒪᕆᐅᔪᒥᑦ ᓈᒻᒪᙱᑦᑐᖃᕐᒪᑦ ᐊᑯᓐᓂᖓᓂᑦ ᐃᓕᓐᓂᐊᕐᕖᑦ, ᐱᐅᖏᑦᑐᒥᑦ ᐊᑐᖅᑕᐅᓂᕐᒥᑦ ᑲᔪᓯᑎᑦᓯᓂᕐᒥᑦ ᐃᓕᓐᓂᐊᕐᓂᕐᒧᑦ ᐱᓕᕆᐊᓂᑦ ᐃᓕᓐᓂᐊᕐᑎᒥᓪᓗ ᖃᐅᔨᓴᕐᓂᕐᒥᑦ. 

ᐱᐅᓯᕚᓪᓕᑎᑦᓯᓂᕐᒥᑦ ᐃᓕᓐᓂᐊᑎᑦᓯᓂᕐᒥᑦ ᐊᔾᔨᒌᑎᑦᓯᓂᕐᒥᑦ ᐅᖃᐅᓯᕐᒥᓪᓗ ᖃᐅᔨᒪᓂᖃᕐᓂᕐᒥᑦ, ᐃᓕᓐᓂᐊᕐᓂᓕᕆᔨᒃᑯᑦ ᑐᑦᓯᕋᖅᑐᖅ ᐋᖅᑭᒋᐊᕆᖁᔨᓂᕐᒥᑦ ᑕᒪᒃᑮᓐᓂᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᕐᒥᑦ ᐃᓄᐃᓪᓗ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᕐᒥᑦ.

ᑐᑦᓯᕋᐅᑎᖃᖅᑐᒍᑦ ᐅᑯᓇᖓ:

  • ᑐᑭᓯᓇᖅᑐᒥᑦ ᐸᕐᓇᐅᑎᓕᐅᕐᓗᑎᒃ ᖃᓄᖅᑑᕈᑎᓄᑦ  ᐃᑲᔪᖅᑐᐃᓗᑎᒃ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᕐᓂᓕᕆᓂᖅ ᐃᓱᓕᕝᕕᒃᓴᖏᑕ ᐅᖓᕙᕆᐊᖅᑕᐅᓂᖓᓄᑦ, ᐃᓕᓐᓂᐊᕐᓂᓕᕆᔨᒃᑯᑦ ᐃᓄᖕᓂᒃ ᐃᖅᑲᓇᐃᔭᖅᑎᖃᕐᓂᕐᒧᑦ ᐱᕙᒌᔭᐅᑦ ᐃᓱᓕᕝᕕᒃᓴᖓ ᒪᓕᒡᓗᒍ.
  • ᐋᖅᑭᒃᓯᒪᔾᔪᑕᐅᔪᓂᒃ ᐃᓚᓕᐅᔾᔨᓗᑎᒃ ᓄᓇᕗᑦ ᒐᕙᒪᒃᑯᓐᓂ ᓴᖅᑭᑎᑦᑎᔪᓐᓇᖅᑎᑦᑎᓂᐊᖅᑐᓂᒃ ᐃᓄᒃᑐᑦ ᐃᓕᓐᓂᐊᖅᑎᑦᑎᔾᔪᑎᓂᒃ ᐃᓐᓄᒍᓐᓇᕐᓂᖏᑦ ᐃᑲᔫᑎᒃᓴᖏᓪᓗ ᐅᓄᖅᓯᒋᐊᖅᐸᑕ.  
  • ᓄᑖᓂᒃ ᐊᓯᔾᔨᖅᐸᓪᓕᐊᔪᓄᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᐋᖅᑭᒃᓱᐃᓗᑎᒃ ᐃᓄᒃᑐᑦ ᐅᖃᐅᓯᖓᒍᑦ ᐃᓕᓐᓂᐊᖅᑎᑦᑎᔾᔪᑎᑦ ᐱᑕᖃᓕᒃᑲᓐᓂᖁᓪᓗᒋᑦ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓂᕈᐊᕈᓐᓇᖅᑎᓪᓗᒋᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᖅᑎᑦᑎᔾᔪᑎᒃᓴᓂᒃ ᐃᑲᔪᖅᑐᖅᑕᐅᔪᓐᓇᕐᓗᓂ ᓄᓇᓕᖕᓂ ᐃᓕᓐᓂᐊᖅᑎᑦᑎᔪᓐᓇᖅᑐᓂᑦ.
  • ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᐊᒃᓴᖅᑖᖅᑎᑦᑎᔪᓐᓇᕐᓂᐊᖅᐳᑦ ᐅᖃᐅᓯᕐᒥᒃ ᐃᓕᓴᐃᔾᔪᑕᐅᕙᒃᑐᒥᑦ ᐊᒻᒪ ᐱᕕᒃᓴᖅᑖᖅᑎᑦᑎᔪᓐᓇᕐᓗᑎᒃ ᐊᑐᓂ ᐱᓕᕆᐊᒃᓴᖏᓐᓄᑦ ᐊᔪᙱᓐᓂᖏᑦ ᒪᓕᒡᓗᒋᑦ. ᖃᐅᔨᒪᓕᕐᓂᐊᕆᕗᑦ ᐃᓕᓐᓂᐊᖅᑎᑦᑎᔪᓐᓇᖅᑐᓂᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᕐᓂᕐᒧᑦ, ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᑐᒃᓯᕋᕈᓐᓇᖅᑎᑦᑎᓗᓂ ᓇᓗᓇᐃᔭᐃᖁᔨᓗᑎᒃ ᐃᓱᒪᓕᐅᕈᑕᐅᔪᒥᑦ ᓄᓇᓕᖕᓂ ᐃᓕᓐᓂᐊᖅᑎᑦᑎᔪᓐᓇᖅᑐᓂᑦ. 
  • ᐃᓕᓐᓂᐊᕐᓂᓕᕆᔨᒃᑯᑦ ᐊᕐᕌᒍᑕᒫ ᐅᓂᒃᑳᓕᐅᖃᑦᑕᕐᓂᐊᖅᐳᑦ ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᕐᓂᕐᒧᑦ ᐊᑐᓕᖅᑎᑦᑎᔪᓂᑦ ᐊᑐᓂ ᓄᓇᓕᖕᓂ. 
  • ᐱᖃᓯᐅᑎᓗᒍ ᑐᑭᖓ “ᒪᕐᕉᖕᓂᒃ ᐅᖃᐅᓯᓕᖕᓄᑦ ᐃᓕᓐᓂᐊᕐᓂᖅ” ᑐᑭᓯᓇᖅᓯᑎᒃᑲᓐᓂᕈᒪᓪᓗᒍ ᓯᕗᓪᓕᕐᒥ ᑐᕌᒐᕆᔭᐅᓚᐅᖅᑐᖅ ᐃᓄᐃᑦ ᐅᖃᐅᓯᖓᑕ ᓴᐳᒻᒥᔭᐅᓂᖓᓄᑦ ᐱᖁᔭᕐᒥ. 

ᐃᑲᔫᑕᐅᓪᓗᐊᑕᖅᑐᑦ:

  • ᒪᓕᑦᑎᐊᓕᒃᑲᓐᓂᕐᓗᑎᒃ ᐃᓕᓐᓂᐊᕈᑎᒃᓴᖅᑖᖅᑎᑦᑎᓂᕐᒥᒃ ᐊᒻᒪ ᐅᖃᕈᓐᓇᑦᑎᐊᕐᓂᕐᒥᒃ. 
  • ᐊᓯᔾᔨᕆᐊᕈᓐᓇᖅᓯᒃᑲᓐᓂᕐᓗᑎᒃ ᑲᒪᒋᔭᐅᖁᓪᓗᒍ ᐊᒻᒪ ᐋᖅᑭᒃᓯᓇᓱᒃᑎᓪᓗᒋᑦ ᐃᓄᒃᑐᑦ−ᐅᖃᐅᓯᓕᖕᓂᒃ ᐃᓕᓴᐃᔨᒃᓴᖃᑦᑎᐊᖃᑦᑕᙱᑦᑐᑦ.
  • ᐋᖅᑭᑦᑎᐊᖅᓯᒪᓗᑎᒃ ᐊᒻᒪ ᖃᐅᔨᓴᑦᑎᐊᖅᓯᒪᓗᑎᒃ ᐃᓕᓐᓂᐊᖅᑏᑦ ᖃᓄᐃᑉᐸᓪᓕᐊᓂᖏᓐᓂᒃ.
  • ᓇᓗᓇᐃᕈᑕᐅᓯᒪᔪᑦ−ᑐᙵᕕᒋᓗᒋᑦ ᐃᓱᒪᓕᐅᕈᑕᐅᔪᑦ ᐃᓕᓐᓂᐊᖅᑎᑦᑎᔪᑦ ᑎᑦᑕᑯᓗᖏᑦ ᐱᔾᔪᑎᒋᓪᓗᒋᑦ.