ᐊᑑᑎᖃᑦᓯᐊᖅᑐᖅ ᑐᕌᖅᑕᐅᓇᓱᐊᖅᑐᖅ

ᐱᓕᕆᐊᑦ ᑲᒪᒋᔭᑦᓴᐃᓪᓗ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ ᐃᓕᓐᓂᐊᕐᓂᓕᕆᔨᒃᑯᓐᓄᓪᓗ

ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ (DEAs) ᐱᒻᒪᕆᒻᒥᑦ ᑲᒪᒋᔭᖃᖅᐳᑦ ᐃᓕᓐᓂᐊᕐᓂᕐᒧᑦ ᐊᑐᖅᑕᐅᖃᑦᑕᖅᑐᓂᑦ.  ᓂᕈᐊᖅᑕᐅᓯᒪᔪᑦ ᐊᑭᓕᖅᑐᖅᑕᐅᒐᑎᒃ ᑲᑎᒪᔩᑦ ᐊᑐᐃᓐᓇᐅᑎᑦᓯᔪᑦ ᐱᒻᒪᕆᐅᔪᓂᑦ ᐱᔨᑦᓯᕋᕐᓂᕐᒥᑦ ᑲᔪᓯᑎᑦᓯᓂᕐᒧᑦ ᐃᓕᓐᓂᐊᕐᓂᕐᒥᑦ ᓄᓇᓕᓐᓂᑦ ᐊᑐᐃᓐᓇᐅᑎᑦᓯᓂᕐᒥᓪᓗ ᑐᑭᒧᐊᑦᑎᑦᓯᓂᕐᒥᑦ ᐃᓕᓐᓂᐊᕐᕕᓐᓄᑦ ᖃᓄᖅ ᐃᓱᒪᒋᔭᖃᕐᓂᕐᒥᑦ ᓄᓇᓕᓐᓂᑦ ᐃᓕᖅᑯᓯᕐᒥᑦ ᑐᙵᕕᖏᓐᓂᓪᓗ. 

ᐃᓗᐊᓂ 2008 ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖓᓂᑦ, ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐊᒥᓱᓂᑦ ᑲᒪᒋᔭᖃᕆᐊᖃᕐᒪᑕ ᐱᕕᖃᕆᐊᖃᓪᓚᕆᑦᑐᓂᑦ ᐃᑲᔫᑎᑦᓴᓂᓪᓗ. ᑖᓐᓇ ᐃᓕᑕᕆᔭᐅᓯᒪᔪᖅ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ, ᑭᒡᒐᖅᑐᐃᔨᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ, ᑎᑎᕋᕐᕕᖓᓂᑦ ᖃᐅᔨᓴᖅᑎᒻᒪᕆᐅᑉ ᑲᓇᑕᒥ ᑲᑎᒪᔨᕋᓛᖑᑲᐃᓐᓇᖅᑐᓄᓪᓗ ᕿᒥᕐᕈᓂᕐᒥᑦ ᐃᓕᓐᓂᐊᕐᓂᓕᕆᓂᕐᒧᑦ ᐱᖁᔭᖓᓂᑦ. ᑐᑦᓯᕋᖅᑐᒍᑦ ᐅᑯᓇᖓᑦ ᐋᖅᑭᒋᐊᕆᖁᔨᓂᕐᒥᑦ ᐅᖃᐅᓯᖃᕐᓂᕐᒧᑦ ᐃᑲᔪᕐᓂᕐᒥᑦ ᐃᓚᖏᓐᓂᑦ ᐊᐅᓚᑦᓯᓂᕐᒧᑦ ᐊᑦᓱᕉᑕᐅᔪᓄᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓄᑦ.  

ᑐᒃᓯᕋᐅᑎᒃᓴᕗᑦ:

ᐃᓕᓐᓂᐊᕐᓂᓕᕆᔨᒃᑯᑦ:

  • ᐊᐅᓚᑦᑎᓗᑎᒃ ᐊᔾᔨᒌᒃᑎᑦᑎᓂᖅ ᐃᓕᓐᓂᐊᕐᓂᕐᒧᑦ ᐊᔪᐃᓐᓇᕆᐊᕈᑎᓂᑦ.
  • ᐊᐅᓚᑦᑎᓗᑎᒃ ᐃᓕᓐᓂᐊᑎᑦᓯᔩᑦ ᐊᖓᔪᖅᑳᖓᓂᑦ ᑐᓪᓕᐊᑕᓗ-ᐃᓕᓐᓂᐊᑎᑦᓯᔩᑦ ᐊᖓᔪᖅᑳᖓᑕ ᐱᔭᑦᓴᑖᖅᑎᑕᐅᓂᖓᓄᑦ ᐱᔭᑦᓴᑖᖅᑎᑕᐅᑲᓐᓂᕐᓂᖓᓄᓪᓗ ᑲᑎᒪᔨᓄᑦ.
  • ᐋᖅᑭᒃᓱᐃᓗᑎᒃ ᐱᖓᓱᓂᒃ ᐃᓕᓐᓂᐊᕐᕖᑦ ᐅᓪᓗᖅᓯᐅᑎᖏᓐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓚᒋᓗᒋᑦ, ᐱᒋᐊᕐᕕᖏᑦ ᐃᓱᓕᕝᕕᖏᓪᓗ ᐊᔾᔨᒌᙱᓪᓗᑎᒃ, ᓄᓇᓕᖕᓂ ᐃᓕᓐᓂᐊᖅᑐᓕᕆᔨᑦ ᓂᕈᐊᕐᓂᐊᖅᑕᖏᓐᓂᒃ.
  • ᓴᖅᑭᑎᑦᑎᓗᑎᒃ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᓕᕆᐊᖑᓂᐊᖅᑐᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᑕᐃᒪᐃᓕᐅᕈᒪᙱᒃᑯᑎᒃ.

ᐃᓕᓐᓂᐊᖅᑐᓕᕆᔨᒃᑯᑦ:

  • ᑐᒃᓯᕋᕐᓗᑎᒃ ᓇᓗᓇᐃᖅᑕᐅᓯᒪᔪᓂᒃ ᐱᔨᑦᑎᕋᐅᑎᓂᒃ ᐊᒻᒪ ᖃᐅᔨᓴᕈᑎᓂᒃ, ᐅᑯᓂᖓᓗ ᐊᔾᔨᒌᒃᑎᑦᑎᓂᖅ ᐃᓕᓐᓂᐊᕐᓂᕐᒧᑦ ᐊᔪᐃᓐᓇᕆᐊᕈᑎᑦ ᐊᖓᔪᖅᑳᕆᔭᐅᔪᑦ ᐊᒻᒪ ᐃᓐᓇᐃᑦ ᐃᓕᓐᓂᐊᖅᑎᑦ ᑭᒡᒐᖅᑐᖅᖢᒋᑦ.
  • ᓇᓗᓇᐃᖅᓯᓕᕐᓗᑎᒃ ᐊᓯᖏᓐᓂᑦ ᐱᓕᕆᐊᖑᓇᔭᖅᑐᓂᑦ ᐃᓕᓐᓂᐊᕐᕕᐅᑉ  ᐅᓪᓗᖅᓯᐅᑎᖓᓂᑦ, ᓄᓇᓕᖕᓂᑦ ᓯᕗᓪᓕᐅᔾᔭᐅᔪᒪᔪᑦ ᑐᙵᕕᒋᓪᓗᒋᑦ, ᐱᙱᑕᑐᐊᕆᓪᓗᒍ ᐃᓕᓴᐃᔩᑦ ᐱᕚᓪᓕᕈᑎᒃᓴᖏᓐᓄᑦ ᐅᓪᓗᐃᑦ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᕐᕖᑦ ᐊᖓᔪᖅᑳᖏᓐᓂᒃ ᐊᔪᕆᖅᓲᔾᔨᓗᑎᒃ ᐃᓕᓐᓂᐊᕐᕕᖕᒥ ᐱᓕᕆᐊᖑᕙᒃᑐᑦ ᐊᒻᒪ ᓄᓇᓕᖕᓂ ᐱᓕᕆᐊᖑᕙᒃᑐᑦ ᐱᔾᔪᑎᒋᓪᓗᒋᑦ ᐃᓕᓐᓂᐊᕐᕕᖕᒥ ᐱᓕᕆᐊᖑᖃᑦᑕᖅᑐᓂᐅᙱᑦᑐᖅ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᓯᕗᓪᓕᕐᒥᑦ ᓂᕈᐊᕐᓂᖃᕐᓂᐊᖅᑐᑦ ᐊᑐᐃᓐᓇᐅᑎᑦᓯᓂᕐᒥᑦ ᐃᓕᓐᓂᐊᕆᐅᖅᓴᔪᓕᕆᓂᕐᒧᑦ ᐱᓕᕆᐊᓂᑦ. ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᓕᕆᐊᒃᓴᓂᒃ ᓴᖅᑭᑎᑦᑎᔪᒪᔪᑦ ᓇᖕᒥᓂᖅ ᐱᓕᕆᐊᒃᓴᖅᑖᖅᑎᑦᑎᖃᑦᑕᕐᓂᐊᖅᑐᑦ ᓯᓚᑖᓃᑦᑐᓂᑦ ᐃᓕᓐᓂᐊᕆᐅᖅᓴᓕᓵᖅᑐᓄᑦ ᐱᓕᕆᐊᒃᓴᖅᑖᖅᑎᑦᑎᔨᓂᑦ ᐊᑐᙱᓪᓗᑎᒃ.

ᐃᓕᓐᓂᐊᕐᕖᑦ ᐊᖓᔪᖅᑳᖏᑦ:

  • ᐊᑐᓕᖅᑎᑦᑎᓗᑎᒃ ᐊᔾᔨᒌᒃᑎᑦᑎᓂᖅ ᐃᓕᓐᓂᐊᕐᓂᕐᒥᒃ ᐊᒻᒪ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᑐᓴᖅᑎᑦᑎᓗᑎᒃ ᐊᑐᓕᖅᑎᑕᐅᔪᒥᑦ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᐱᑎᑦᑎᕗᑦ ᖃᓄᐃᑉᐸᓪᓕᐊᓂᕐᒧᑦ ᐅᓂᒃᑳᓕᐊᓂᒃ ᐃᓕᓐᓂᐊᕐᕕᖕᒥ ᐱᓕᕆᐊᒃᓴᖅᑖᖅᑎᑦᑎᔪᓂᑦ ᑲᑎᒪᔨᓄᑦ ᐃᑲᔫᑕᐅᓪᓗᓂ ᓄᓇᓕᖕᓂ ᓯᕗᓪᓕᐅᔾᔭᐅᔪᒪᔪᓂᑦ ᑭᒡᒐᖅᑐᐃᔨᐅᓪᓗᑎᒃ.

ᐃᑲᔫᑕᐅᓪᓗᐊᑕᖅᑐᑦ:

  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑕ ᐊᒡᓚᕝᕕᓕᕆᔾᔪᑎᖏᑦ ᐊᒃᓱᕈᕐᓇᓗᐊᕈᓐᓃᕐᓗᑎᒃ.
  • ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐱᓕᕆᐊᖃᕐᓂᖅᓴᐅᓕᕐᓗᑎᒃ, ᓄᓇᓕᖕᓂ ᐊᐅᓚᑕᐅᔪᓂᑦ ᐱᓕᕆᐊᒃᓴᓂᑦ.

ᑕᒻᓇ ᑎᑎᖃᖅ  ᐅᓂᒃᑳᖏᓚᖅ  ᐱᓕᕆᐊᒃᓴᖏᑦ ᓄᑦ ᐱᔭᒃᓴᖏᓄᓪᓗ ᐱᓗᐊᖅᑐᒧᑦ ᑲᒥᓴᐅᔪᓂᑦ ᓄᓇᕗᒻᒥ ᐅᐃᕖᑦ ᐃᓕᓐᓂᐊᑎᑐᓕᕆᓂᕐᒧᑦ ᑲᑎᒪᔨᖏᑦ ᓄᑦ (CSFN).