Uqauhigitiaqtut

Malguknik Uqauhiqaqtunun Ilihaidjutit uvalu Uqauhikkut ilihaidjutit

GNkut akhuuqtut tamaqtailiblugu, akhuugutigilugu nutaanguqtiqlutu Iniktut, uvalu malguknik uqauhiqaqtut ilihaqniit pidjutiqaqtut ihuaqtumik ilauyut uvani. Piyaangini uqaringnikkut aktilaangit malguknik uqauhiqaqtut, munagihimaaqtumik upautiniq, ilaupkaqhugit angayuqaat, ilihaqtut, ilihaiyit, Inuit Katimayiit, kavamatkut havakviit uvalu inungnun ihagiagiyauyuq.

Ublumi, DEAtkut piyakhaqaqtut pingahunik ilihaidjutinik haffumunga malguknik uqauhiqaqtunun ilihaqnirmik nakuutqiamik piyaamingni nunamingni ihagiagiyamingnik. Kihimi, una amigaitut atugahanun upautiniq, attautimikhimayut tadjamin ilihaiyikhailiuqtu ayuittiaqtunik Inuktut uqayuktunik ilihaiyit, pidjutauyuq angiyumik ihuanginiqmik qitqani ilihaqviit, ihuangitumik hulaqutiyut ilihainingmik ilihaidjutikhanun uvalu ilihaqtut naunaiyautainun.

Ihuaqhiyuumiqlugu ilihainikkut auladjutikhamik uvalu uqauhiriktunun, Iliniaqtuliqiyit tukhiqtut ihuaqhaidjutikhaanik tamangnun Iliniaqtuliqiyit Maligaa uvalu Inuit Uqauhiitigut Tamaqtailinikkut Maligaq.

Tukhidjutivut:

  • Havaklutik naunaitunik upalungaiyautinun upidjutikhanik ikayuutikhat hivumuuqtitlugit malguknik uqauhiqaqtunun ilihautit umikviit, pihimalugit Iliniaqtuliqiyiit Inuit Havaatigut Upalungaiyautit kikliit.
  • Ilaulugit iluaniitut tapkua pipkaiyut Kavamatkunik Nunavunmi tunihilutik Inuktut ilihaidjutit aktilaangit uvalu ikayuutit amigaiqyuumilugit.
  • Havaklutik nutaanik nuutiqtunun malguknik uqauhilgit ilihaqnikkut atugahat angikliyuumigiangani Inuktut uqauhilgit ilihaiyut.
  • Pipkaqlugit DEAkut pilutik malguknik uqauhiqaqtut ilihaqnirmik ilihaidjutikhanik tapkua ikayuqtauyut nunamingni ilihaqnikkut aktilaangit.
  • Iliniaqtuliqiyit katimayiit piyaaliqlutik tunihilutik uqauhikkut ilihaidjutinik uvalu ikaaqniit uvalu nuutiqnikkut attautinun puqtuniitigut aktilaangitigut.  Atuqtauniaqtuqlu ihumaliugutauluni ilihaidjutit aktilaangit hapkununga malguknik uqauhiqaqtunun ilihaqniq, DEAtkut pidjutiqangitlutik naunaiyautinik ihumaliugutinun nunamingni ilihaqnikkut aktilaangit.
  • Iliniaqtuliqiyit uniudjutinik havakniaqtut ukiuq tamaat atuliqnikkut malgukniq uqauhiqnik ilihaqnirmun attautini nunallaani.
  • Ilauyuq naunaiyautaa “malguknik uqauhiliknun ilihaqniq" ikayuutikhat naunaiyagiangani ilihaidjutiluanun hapkua Inuit Uqauhiinun Tamaqtailinikkut Maligaq.

Ikayuutikhaluat:

  • Ihuaqhiyuumiqlugu aadjikiiqniq ilihaqnirmun ilihaidjutinun uvalu uqauhikkut uqadjaringniqmun.
  • Ihuaqhiyuumiqlugu Ihuaqninga uqautigiyaangani uvalu ihuaqhilugu ikitpalaaqniit Inuktut uqayuktut ilihaiyit.
  • Ihuaqpiaqtumik uvalu atuguminaqtut naunaiyautait ilihaqtut ilihaqniit.
  • Tautuknaqtumik pihimayut ihumaliugutit pittiaqnikkut ilihaidjutikkut ikaaqniit.